Ibi birori byitabiriwe n’umugore w'umukuru w'igihugu cy’u Burundi, Angeline Ndayishimiye. 

Kaneza Kellia Lagloire yegukanye ikamba rya Miss Burundi naho Quessia Kubwarugira aba igisonga cya mbere, mu gihe Monica Célèste Mugisha yegukanye ikamba rya Miss Popularity. Nelly Charlène Iteka yabaye Miss Développement naho Jennifer Mugisha aba Miss Photogénique (uberwa n'amafoto). 

Muri ibi byo gutanga iri kamba kandi harimo Miss Tourism Oromia, Derartu Tesfaye Etana; Miss Tanzania, Tracy Nabukeera na Miss Uganda, Natasha Nyonyozi.

Umunyarwenya w’Umunyaburundi uzwi cyane no mu Rwanda, Michaël Sengazi, afatanyije na Anaïs Niragira, umwe mu bagore bafite ijambo rikomeye mu itangazamakuru ry’i Burundi nibo bayoboye ibi birori. Umuhanzi Drama T ni we wasusurukije abitabiriye.

Miss Tanzania, Miss Tourism Oromia na Miss Uganda bari bitabiriye 

Kaneza wegukanye ikamba, yahawe ibihembo birimo imodoka nshya ikoresha amashanyarazi, miliyoni 25 z’amafaranga y’u Burundi (angana na miliyoni 11.3 z’amafaranga y'u Rwanda), itike y’indege imujyana muri Ethiopia, buruse y’umwaka umwe muri kaminuza, mudasobwa igendanwa na telefoni igezweho.

Igisonga cya mbere, Quessia Kubwarugira, yahawe miliyoni 15 z’amafaranga y’u Burundi (angana na miliyoni 6.78 Frw).

Imodoka yo mu bwoko bwa Skyline yahawe Miss Burundi 2025