Ni umunsi wo gushyigikira  ibikorwa by’indashyikirwa by’abagore, bongera gukangurira  isi ikibazo cy’ubusumbane abagore bahura nabwo.

Imbuto y’uyu munsi yatewe mu 1908, aho abagore 15.000 bahuriraga mu rugendo muri New York City mu myiyereko yo gusaba kugabanirizwa amasaha y'akazi, akarusho ku mishahara n'uburenganzira bwo gutora.

 Nyuma y'umwaka,  ishyaka Socialist Party of America ryaje gushyiraho umunsi wa mbere w'abagore ku rwego rw'Igihugu.

 Igitekerezo cyo kugira uyu munsi mpuzamahanga, cyaturutse kuri Clara Zetkin, umudagikazi w’umukomunisite (communist) watangije uburenganzira  bw'abagore.

Muri 1910, yabishyize ahagaragara mu nama mpuzamahanga y’abagore yabereye i Copenhagen.Igitekerezo cye cyagiye gishigikirwa n'abagore bagera ku 100 bari baturutse mu bihugu 17 bari muri iyo nama. 

Uyu munsi waje kwizihizwa ku ncuro ya mbere muri Danemark, Ubudagi n'Ubusuwise. Waje kumenyerwa ku mugaragaro n'umuryango mpuzamahanga ‘ONU’ mu 1977. Bahita banawuha intero igira iti twizihize ibyatambutse dutegura n’ibyejo hazaza"Celebrating the Past, Planning for the Future."

Itariki ya 08 werurwe yaje gutoranywa n'abagore b'abarusiyakazi, basaba  ko yajya yizihirizwaho hanasakazwa amahoro.