Kinyarwanda
English
Swahili
Umwana w'imyaka ine yishwe na Ebola muri Uganda
Umwana w'imyaka ine yapfuye azize ubwandu bwa Ebola muri Uganda nyuma y’uko muri iki gihugu habonetse ubwandu bushya.
Ishami ry'Umuryango w'Abibumbye ryita ku Buzima (WHO) ryatangaje ko ku wa Gatandatu nijoro, Minisiteri y'Ubuzima ya Uganda yatangaje ko habonetse umurwayi wa Ebola mu bitaro bya Mulago.
Ni nyuma y’aho ku wa Kabiri w’icyumweru gishize, inzego z’ubuzima zari zemeje ko hari abantu 10 banduye Ebola, harimo n’umuforomo wo mu bitaro Bikuru bya Mulago biri i Kampala waje no guhitanwa nayo.
Iyi Ebola ivugwa muri Uganda ni ku nshuro ya gatandatu ihibasira, ubu abantu bagera muri 300 bashyizwe mu kato.
