Ibi bikubiye mu itangazo ryashyizwe hanze mu ijoro ryo ku wa Kabiri tariki 3 Weruwe 2026. Rwanda Premier League vuga ko aba batoza baciwe amande, ibintu biteganywa n’ingingo ya 25 igika cya 4.

Bagize bati “ Rwanda Premier League iramenyesha abakunzi b'umupira w'amaguru ko ishingiye ku mabwiriza agenga irushanwa rya RPL mu ngingo yayo ya 25 igika cya 4, yafatiye ibihano by'amande abatoza babiri kubera kutitabira ikiganiro n'itangazamakuru nyuma y'umukino.”

Laurentiu Aurelian mu bihe byashize yagiye yanga kuvugisha itangazamakuru ndetse bikinubirwa n’abanyamakuru benshi baza kugeza ikibazo kuri Rwanda Premier League. Ibi kandi abihuriyeho n’umutoza wa Police FC, Ben Moussa wagiye yanga kuvugisha itangazamakuru mu gihe yabaga atitwaye neza akohereza umutoza wa kabiri wungirije.

Rwanda Premier League isaba abatoza n’abakinnyi kubaha itangazamakuru kuko ari umufatanyabikorwa ukomeye wa Shampiyona y’u Rwanda. Ikomeza ivuga ko kwitabira ikiganiro n’itangazamakuru ari itegeko kuri buri mukino baba batsinze cyangwa batsinzwe.

Iri tangazazo ryaje mbere gato y’umukino Al Hilal SC yatsinzemo Gicumbi FC ibitego 5-0 mu mukino wabereye muri Stade Amahoro mu ijoro ryacyeye tariki 3 Werurwe 2026.

Umutoza wa Al Hilal SC yaciwe amande

Ben Mousa utoza Police FC yaciwe amande