Kuri uyu wa mbere tariki 22 Nzeri 2025, hakomeje shampiyona y'isi y'Amagare mu Bagabo n'abagore batarengeje imyaka 23. 

Nkuko ku munsi w'Ejo hashize tariki 21 Nzeri 2025, byatangiye hakinwa agace ka mbere aho abasiganwa b'abagabo ndetse n'abagore ariko basiganwa n'igihe, n'uyu munsi niko byagenze mu bagabo ndetse no mu bagore ariko batarengeje imyaka 23.

Jakob Soderqvist ukomoka mu gihugu cya Suede niwe wegukanye iri rushanwa mu bagabo aho yakoresheje iminota 38 n'amasegonga 24 n'amatsiyerisi 43. Uwabashije ku mukurikira wari ku mwanya wa Kabiri ni Nate Pringle ukomoka muri New Zealand wakoreshe iminota 39 n'amasegonga 29.

Umunyarwanda wabashije kuza ku mwanya wa hafi mu bagabo ni Niyonkuru Samuel waje ku mwanya wa 28 akoresheje iminota 43 n'amasegonga 15 n'amatsiyerisi 35. Abagabo batarengeje imyaka 23, kuri uyu munsi basiganwaga ahantu bareshya n'ibirometero 31 na Metero 200.

Mu gitondo ku isaha ya saa ine, hari habanje gukinwa iri rushanwa ariko mu cyiciro cy'abagore n'ubundi batarengeje imyaka 23, aho uwabaye uwa mbere ari Backstedt Zeo ukomoka mu Bwami bw'Ubwongereza wakoresheje iminota 30 n'amasegonga 56 n'amatsiyerisi 16.

Uwabaye uwa kabiri ni Chradonova Viktoria wakoresheje iminota 32 n'amasegonga 47. Umunyarwandakazi waje hafi yitwa Ntakirutimana Martha waje ku mwanya wa 27 aho yakoresheje iminota 36 n'amasegonga 27 n'amatsiyerisi 39.

Ahantu Abagore batarengeje imyaka 23 basiganwaga harrshyaga n'ibirometero 22 na Metero 600.

Ibi byiciro byose yaba ibyabaye ejo ndetse n'uyu munsi, bahagurukiraga muri BK Arena aho bibaye bwa mbere muri Shampiyona y'isi y'Amagare kuko ubusanzwe bahagurukira ahantu hadasakaye ariko kuri iyi nshuro birimo gutangirira muri BK Arena.

Zoe Backstedt niwe wegukanye irushanwa mu bagore batarengeje imyaka 23