Aya mafaranga ari mu ngengo y’imari rusange ya miliyari 835.98 z'Amashilingi ya Uganda yagenewe urwego rw’uburezi, ikoranabuhanga, guhanga udushya, ari naho hazavamo miliyari 66 zagenewe ubugeni n'ubuhanzi.

Minisitiri w’Imari, Matia Kasaija, ubwo yatangazaga ingengo y’imari y'uyu mwaka, yavuze ko Leta ikomeje kubona urwego rw’ubugeni n’ubuhanzi nk’inkingi ikomeye y’ubukungu bw'igihugu.

Yavuze ko ayo mafaranga agenewe guteza imbere impano, guteza imbere imwuga w'ubuhanzi, no gufasha urubyiruko kwihangira imirimo no kwiteza imbere.

Aya mafaranga azashyirwa mu ruganda rw'ubugeni n'ubuhanzi aje akurikira andi miliyari 10 z'Amashilingi ya Uganda yari yarashyizwe muri uru rwego hagamijwe gufasha abahanzi kwikura mu bibazo byatewe na COVID-19.

Izi miliyari 10 zari zatanzwe mu rwego rwo gufasha abahanzi by'umwihariko abakizamuka kongera kwisuganya, hagamijwe guteza imbere impano z’urubyiruko no kongera ubushobozi bwabo bwo kwiteza imbere no guhanga imirimo.

Leta ya Uganda yiyemeje gushyigikira ibikorwa by'abahanzi nyuma yo kubona ko ari ishingiro ry'ubukungu bw'igihugu