Sosiyete yitwa Eight Mile Style y'umuraperi Eminem yishyuje miliyoni $109 sosiyete ya Meta y'umuherwe Mark Zuckerberg.

Iki kirego gishingiye ku ikoreshwa ry'umutungo mu by'ubwenge 'Copyright infringement '. Meta irishyuzwa gukoresha indirimbo 243 ku mbuga nkoranyambaga zirimo WhatsApp, Instagram (Reels) na Facebook.

Ziriya ndirimbo rero zashyizwe kuri ziriya mbuga nta burenganzira yewe nta no kuzishyura noneho abazikoresha batangira kuzihindura (remixes)uko bishakiye.

 Ikirego kivuga ko buri ndirimbo igomba kwishyurwa $150,000 yose hamwe ni miliyoni $109.

Iki kirego Eminem aramutse agitsinze byaba ari intsinzi ku buhanzi kuko nta ndirimbo yazongera gukoreshwa nyirayo atishyuwe.

Icyakora ntibireba abahanzi bo mu bihugu biri mu nzira y'amajyambere no mu isi iri kurwana no gutera inbere 'third world ' bitewe nuko ari bo bakeneye ko Meta ibamamariza ibihangano kurusha uko ibakeneye.

Imibare ya Stock analysis yo ku wa 2 Nzeri 2025 yerekana ko Meta ibarirwa agaciro ka tiriyali $1.85.