Mu ijoro ryo ku wa Gatatu tariki 10 Ukuboza 2025, hakomeje imikino ya UEFA Champions League aho amakipe arimo Real Madrid, Manchester City, Arsenal FC ndetse n'andi yakinnye imikino y'umunsi wa Gatandatu w'iyi mikino.

Ni imikino yari iryoheye ijisho bitandukanye n'iyabaye ku wa Kabiri tariki 9 Ukuboza 2025. Umwe mu mikino yari ikomeye harimo uwahuje ikipe ya Real Madrid na Manchester City waje kurangira Real Madrid itsinzwe ibitego 2-1.

Mbere y'umukino abakunzi, abakinnyi ndetse n'ubuyobozi bwa Real Madrid FC bari bagaragaje ibimenyetso byo kuza kwitwara neza imbere ya Manchester City ariko siko byagenze. Kimwe mu byo Real Madrid yakoze harimo kufunga Sitade, ibintu iyo bikozwe benshi baba biteze kwitwara neza imbere y'uwo bahanganye.

Ibitego byatsinzwe na Manchester City, harimo icyatsinzwe na Nico O'Reilly ku munota wa 35 ndetse na Erling Halaand kuri Penalite ku munota wa 42. Igitego kimwe cyane Real Madrid FC cyatsinzwe na Rodrygo Goes ku munota wa 28.

Undi mukino warebweho ni uwahuje Arsenal FC ndetse na Club Brugge, urangira Arsenal FC itsinze ibitego 3-0. Ibi bitego byatsinzwe na Noni Madueke ku munota wa 25 na 47 ndetse n'icyatsinzwe na Gabriel Martinelli ku munota wa 56.

Indi mikino 

1. Qarabag FK 2-4 Ajax

2. Villarreal FC 2-3 Copenhagen FC

3. Athletic Club 0-0 Paris Saint-Germain 

4. Bayern Leverkusen 2-2 Newcastle United 

5. Benfica 2-0 Napoli 

6. Borussia Dortmund 2-2 Bodoe/Glimt

7. Juventus 2-0 Pafos FC

Real Madrid yatsinzwe na Manchester City ibitego 2-1

Manchester City yishimira ibitego yatsinze Real Madrid