Kinyarwanda
English
Swahili
NAEB yatangaje ko ibikomoka ku buhinzi byinjije arenga miliyari 14 Frw mu minsi itanu
Ikigo cy’Igihugu gishinzwe guteza imbere iyoherezwa mu mahanga ry’ibikomoka ku Buhinzi n’Uborozi cyatangaje ko umusaruro ukomoka ku buhinzi n’ubworozi byoherejwe ku masoko mpuzamahanga kuva ku tariki 13-17 Mata 2026 byinjirije u Rwanda miliyari 14 Frw.
Umusaruro woherejwe ku isoko mpuzamahanga muri iyo minsi itanu ungana na toni 9793, zirimo iz’ikawa 137 zinjije miliyoni 713 Frw, toni 1135 zinjije miliyari 4,7 Frw naho imboga zanganaga na toni 298 zinjije miliyoni 799 Frw.
Imbuto u Rwanda rwohereje ku isoko mpuzamahanga zipima toni 259, zinjije miliyoni 188 Frw, naho indabo zagurishijwe ni toni 11 zaguzwe miliyoni 88 Frw.
Ibihingwa bitandukanye (ibinyabijumba, ibinyamisogwe, ibinyampeke n’ibindi) bipima toni 7598, byinjirije u Rwanda miliyari 7 Frw.
Amatungo n’ibiyakomokaho byagurishijwe ni toni 355, yaguzwe miliyoni 957 Frw.
Umusaruro muri rusange wagurishijwe mu bihugu nk’u Bwongereza, u Buholandi, Bangladesh, u Bufaransa, u Budage n’ibihugu byo ku Mugabane wa Afurika.
