Umuhanzi Mr Kagame yatangiye gushyira hanze indirimbo yakoreye muri Kenya mu mezi arindwi yahamaze.

Mu kiganiro kihariye na UKWELITIMES Mr Kagame yagize ati”Nagiye muri Kenya mpura n’abahagarariye Black Market Records. Mu mezi arindwi namazeyo nibo bitaga ku bintu byose. Nakoreyeyo indirimbo 28 mu buryo bw’amajwi”.

Mr Kagame yasobanuye ko muri ayo mezi arindwi yanaboneyeho umwanya wo gufata amashusho y’indirimbo 10 ku buryo yiteguye gushyira hanze indirimbo nziza kandi atozongera kwicisha irungu abakunzi be nk’uko abita.

Mr Kagame rero ari gukorana n’iyo label yashinzwe mu 1989 ikaba ifite icyicaro I California muri Amerika. Isanzwe ikorana n’abahanzi barimo Daddy Andre,Dynaso Wegoso,Shourtie,Slade,Neliah,SMS Officiel na Rap Kabaka.