Mu itangazo ryatambutse kuri televiziyo ryafashwe mbere, umuvugizi w’ingabo za Houthi, Yahya Saree, yatangaje ko icyo gihugu cyarashe misile ya Zolfaghar igana kuri icyo kibuga cy’indege hafi ya Tel Aviv.

Saree yavuze at “Uko kurasa kwageze ku ntego kwari kugamije.”  Saree yakomeje avuga ko iyo misile yateje amatangazo y’impuruza y’ubwoba mu mijyi n’uduce turenga 300 muri Isiraheli, ituma ama-miliyoni y'abayahudi bajya mu bwihisho ndetse byongera gutuma urujya n’uruza rw’indege ruhagarara by’agateganyo.

Ingabo za Isiraheli zo zemeje ko iyo misile bayirokotse, nta wangiritse cyangwa wakomerekejwe. 

Saree yahize ko Houthi bazakomeza ibitero ku Isiraheli n’ubwikorezi bufitanye isano nayo mu Nyanja Itukura, mu rwego rwo kwamagana “jenoside” yavuze ko iri gukorerwa muri Gaza.

Icyarimwe, muri Gaza, ibitero bya gisirikare bya Isiraheli bimaze kwica nibura Abanyapalestina 35 kuva izuba rirashe, nk’uko bivugwa n’amakuru ya Al Jazeera Arabic yakuye ku baganga bo muri ako gace.

Igitero cyahitanye benshi cyabereye mu mujyi wa Deir el-Balah uri hagati muri Gaza, aho abantu nibura 17 bapfuye. Ibi bitero bishya byongereye umubare munini w’abasivili bamaze guhitanwa n’ibitero bya Isiraheli, haba mu kirere no ku butaka, mu gace ka Gaza.