Umukino wa nyuma wahuje The Seattle Seahawks yatsinze New England Patriots 29-13 wakurikiwe mu buryo bw'imbonankubone (Live) na miliyoni 124.9.

Ni imibare yatangajwe na Nielsen aho basobanuye ko uriya mukino igihe warimo uba wacaga ku bitangazamakuru birimo NBC,Peacock, Telemundo,NBC Sports Digital na NFL.

Umukino wa nyuma wo mu 2025 wacaga kuri Fox wo wakurikiwe na miliyoni 127.7.

Icyakora NBC yaciye akandi gahigo ubwo mu gice cya kabiri miliyoni 137.8 bakurikiraga uriya mukino n'akaruhuko k'igitaramo Super Bowl Half Time Show LX.

Mu gice cya kabiri Seahawks yari ifite ibitego 6-0 bituma ariwo mukino wakurikiwe cyane mu mateka ya televiziyo zo muri Amerika. 

Imibare yerekana ko Telemundo yanditse amateka igihe Bad Bunny yarimo ataramira abitabiriye yakurikiwe na miliyoni 4.8 biba ubwa mbere umuhanzi uririmba mu cy'Esipanyolo akurikiwe kuri iyo televiziyo.

Hagati ya saa 8:15 na saa 8:30 abakurikiye Apple Music Super Bowl Half Time Show LX bari miliyoni 128.2.

Ripple Analytics yerekana ko nyuma y'amasaha 24 Apple Music Super Bowl Half Time Show yarebwe na miliyali enye (4).

Ni ubwiyongere bwa 137% ugereranyije n'iyo mu 2025.

Super Bowl Half Time Show LXI yo mu 2027 izaba ku wa 14 Gashyantare kuri SoFi Stadium mu gace kitwa Inglewood muri Leta ya California. Uwo mukino uzaca kuri ESPN na ABC.