Kinyarwanda
English
M23 yambuwe uduce dutandukanye muri Kivu y'Epfo
Amakuru aturuka muri Kivu y'Amajyepfo aravuga ko Ihuriro ry'Ingabo za Leta zigaruriye uduce umunani two muri Teritwari ya Kalehe muri sheferi ya Buhavu harimo Remera na Bushaku.
Ibi bije nyuma yuko ku wa 09 Mata 2025 i Doha muri Qatar hari hateganyijwe ibiganiro biganisha ku mahoro hagati y'ihuriro AFC/M23 na Leta ya Kinshasa, gusa ntibyaba bitewe nuko M23 hari ibyo yasabye Leta gushyira mu bukorwa mbere yuko bicara ku meza y'ibiganiro.
Uduce M23 bivugwa ko yambuwe turimo Remera, Bushaku ya mbere n’iya kabiri, Nyabarongwa, Mwami wa Idjwi na Chizi, Lumbishi, Igali, Bishaka, Shanje, Chambombo, Kafufula na Katale nk’uko Sosiyete Sivile yo muri Kalehe ibivuga.
Amakuru avuga ko kugeza kuri uyu wa Kane imirwano yakomeje, nyuma y’uko M23 yari imaze kubona umusada w’Ingabo zaturutse ku kibuga cy’indege cya Kavumu.
Ibi bije kandi nyuma yuko hari amakuru avuga ko uwahoze ari Perezida wa DRC, Joseph Kabila Kabange yaba yaramaze kugera mu burasirazuba bwa Congo, aho yaba agiye kwifatanya n'abo mu ihuriro AFC/M23.
