Muri Tanzania imibare y'abaguye mu myigaragambyo ikomeje kwiyongera. Abagize uruhare muri iyo myigaragambyo bari gufatwa bagafungwa. Imiryango iharanira uburenganzira bwa muntu bafatanyije na CHADEMA, Ishyaka ritavuga rumwe na CCM babwiye AFP ko abantu 1000 aribo bamaze kugwa muri iyo myigaragambyo. 

Mu mijyi ya Dar Es Salaam, Mwanza, Mbeya no muri Arusha niho habaye imyigaragambyo ikomeye. Nyuma y'uko Samia Suluhu Hassan arahiriye kuyobora Tanzania, imyigaragambyo yahise ihagarara, hatangira gufungwa abayigizemo uruhare.

Uhereye ku bayobozi ba CHADEMA, urubyiruko rwari ku mirongo y'imbere mu kwigaragambya bagejejejwe muri za kasho bategereje gukatirwa cyangwa se bagahinduka abere.

Hari abasaga 21 bari gushinjwa ubugambanyi kandi icyo cyaha gihanishwa igihano cy'urupfu. 

Abari gufatwa,Leta yakoranye n'igisirikare batahura amakuru ko bari baragambanye n'abazungu bakoresheje abanyakenya bazobereye mu gutegura imyigaragambyo. Leta ntiyerura ngo ivuge imibare ya nyayo y'abaguye mu myigaragambyo.