Kuri uyu wa Gatatu tariki 16 Nyakanga 2025, nibwo amakuru yerekeza Rodrygo Goes muri Liverpool FC yazamutse, ndetse ibitangazamakuru byinshi bitangira guhuza uyu musore nabo iyi kipe isanganwe.

Rodrygo Goes yamenyeshejwe na Real Madrid ko yakishakira ikipe kuko atakiri mu mibare y’umutoza Xabi Alonso.

Kuba Real Madrid itararekura Rodrygo Goes, byatewe n’uko iyi kipe imushakamo amafaranga atari macye. Uyu musore Real Madrid imushakamo arenga Milliyoni 75 z’amayero kandi Liverpool bivugwa ko yiteguye kuyatanga.

Amakipe menshi yari ayoboye kuri uyu musore yarimo Arsenal FC ariko igiciro bisa nkaho yabitinye cyane. Rodrygo Goes biravugwa ko ibiganiro na Liverpool bigeze kure ndetse ashobora kwegukana uyu mukinnyi.

Liverpool FC kwerekeza amaso muri Real Madrid byatewe n’uko iyi kipe igiye gutakaza Louis Diaz urimo gushakwa cyane na FC Bayern Munich.

Real Madrid isa nk’irimo gushaka kongera kubaka ikiragano gishya cya Xabi Alonso ndetse hari n’abandi bakinnyi bashobora kuyisohokamo barimo Vinicius Jr ukomeje kwanga kongera amasezerano.