Kinyarwanda
English
Swahili
Kenya: Umunya Afurika y'Epfo yapfiriye mu bwiherero
Ku wa gatatu, tariki ya 7 Gicurasi, umugabo wo muri Afurika y'Epfo witwa Mark Nalon Minter, bamusanze yapfiriye mu bwiherero bw'amacumbi ya Parklands, i Nairobi.
Nk’uko abapolisi babitangaza, Minter yari yageze muri Kenya ku ya 1 Gicurasi mu rugendo rw’akazi bikaba byari biteganyijwe ko yagombaga kuhava taliki ya 10 Gicurasi.
Ibinyamakuru bitandukanye birimo nka sauce.co.ke na The star.co.ke, bibitangaza ko ngo uyu mugabo yari kumwe n’umugore bitasobanuwe niba yari uwe cyangwa niba yari inshuti.
Uyu mugore yabwiye abayobozi ko nyuma yo kurya, bombi bagiye kuryama, ariko bukeye bwaho abona ko Minter atari mu buriri, niko gusanga yaguye mu bwiherero.
Ibi bikimara kuba bahise bahamagara imbangukiragutabara ariko ihagera basanga yashizemo umwuka.
Mu bugenzuzi bw’ibanze bwakozwe, Polisi ngo yasanze imiti itandukanye mu mufuka wa nyakwigendera, bikekwa ko ikoreshwa mu kuvura Umuvuduko w’amaraso (hypertension) na diyabete.
