Ibi birori byitabiriwe n'abasirikare b'u Burusiya barenga 11,500 barimo abasanzwe mu ngabo z’igihugu, abo mu rwego rw’ubutasi, abashinzwe ibikorwa by’ubutabazi ndetse n’abo mu mutwe urinda abayobozi bukuru ari nabo bakoraga akarasisi.

Mu karasisi kakozwe hinafashishijwe intwaro zakoreshwa n'Abasoviyete mu gihe cy'intambara ya Kabiri y'Isi, zirimo ibifaru ndetse n'izigezweho muri ibi bihe.

Perezida w'u Burusiya, Vladimir Putin watangije ibi birori ku mugaragaro, ntiyari wenyine kuko hari abandi abakuru b’ibihugu by'inshuti z'u Burusiya ndetse nabo mu muryango wa BRICS.

Aba barimo Ibrahim Traoré wa Burkina Faso, Xi Jinping w’u Bushinwa, Denis Sassou Nguesso wa Repubulika ya Congo, Alexander Lukashenko wa Belarus, Kim Jong-un wa Koreya ya Ruguru, Nicolas Maduro wa Venezuela, Emmerson Mnangagwa wa Zimbabwe, n'abandi.

Perezida Putin yatangaje ko uyu ari umunsi w’ibyishimo bivanze n’agahinda ndetse n’ishema Abarusiya batewe n’abasirikare batsinze abari bafite amatwara y’Abanazi, bagasubiza ikiremwamuntu ubwisanzure.

Ku ruhande rw'abakuru b'ibihugu bitabiriye ibi birori, barimo nka Capt Ibrahim Traoré wa Burkina Faso, ni umwe mu bayobozi bo muri Afurika, uyu munsi wa none utavuga rumwe n'ibihugu byo mu Burengerazuba bw'Isi. Ibi bigaragarira akenshi mu bikorwa bye avuga ko ashaka kuyobora igihugu cye n'Afurika muri rusange nta kaboko k'ibi bihugu kabayemo.

Cpt Ibrahim Traoré ni umwe mu bakuru b'ibihugu bitabiriye ibirori byo kwizihiriza imyaka 80 ishize Abasoviyete batsinze Intambara ya Kabiri y’Isi

Akarasisi kari kateguwe neza 

Mu karasisi hakoreshejwe n'intwaro zakoreshwaga n'Abasoviyete