Kuri iki cyumweru tariki 27 mata 2025, ikipe ya Rayon Sports irambikana n’ikipe ya Etincelles FC mu mukino w’umunsi wa 25 wa shampiyona.

Uyu mukino ubuyobozi bwa Rayon Sports bwawufashe nk’udasanzwe kuko uratuma bakomeza kuyobora urutonde rw’agateganyo rwa shampiyona ariko kandi bitume n’abakunzi bayo bongera kwizera ko ibintu byongeye kujya mu buryo.

Tariki 5 mata 2025, nibwo ikipe ya Rayon Sports yavuye ku mwanya wa mbere yongera kuwusubiraho tariki 19 mata 2025, itsinze ikipe ya Muhazi United ibitego 2-0 nyuma y’icyumweru kirenga ho gato wicaweho na APR FC.

Ubuyobozi bwa Rayon Sports nyuma yo kongera gusubira ku mwanya wa mbere ndetse bukaba bubona imikino isigaye kugirango shampiyona irangira ari micye, bwazamuye agahimbazamusyi bwatangaga.

Amakuru twamenye ni uko ikipe ya Rayon Sports gutsinda umukino, buri mukinnyi agiye kujya ahabwa ibihumbi 150 ndetse biraza gutangirira ku mukino bafitanye na Etincelles FC.

Aka gahimbazamusyi ikipe ya Rayon Sports niko yatangaga mu ikino ubanza ya shampiyona ndetse icyo gihe niho iyi kipe yamaze imikino irenga 8 idatsindwa bituma iyobora urutonde igihe kigera ku Mezi 4.

Ikipe ya Rayon Sports kugeza ubu niyo iyoboye urutonde rw’agateganyo rw’ashampiyona n’amanota 50, ikurikiwe na APR FC ifite amanota 49.