Kuri uyu wa Gatanu tariki 27 Kamena 2025, ku kibuga mpuzamahanga cya Kigali, i Kanombe, nibwo ikipe ya Rayon Sports yakiriye abatoza bayo ndetse n'umwe mu bakinnyi iyi kipe iri mu biganiro nabo.

Rayon Sports yakiriye umutoza mukuru, Afhamia Lotfi ndetse n'umutoza wungirije witwa Lotfi Azouz. Ariko Kandi iyi kipe yakiriye umukinnyi w'umwarabu witwa Mohamed Chely usanzwe akina nka nimero 10 uje gusimbura Muhire Kevin.

Ikipe ya Rayon Sports itegereje Kandi abandi bakinnyi b'abanyamahanga ariko yari itegereje n'umutoza wongerera imbaraga abakinnyi witwa Ayabonga Lebitsa. Amakuru ahari avuga ko uyu mutoza yagize ibyago igihe yagombaga kugerera mu Rwanda kiraza guhinduka.

Kuri uyu wa Gatanu Kandi iyi kipe iraza kwakira Drissa Kuayate ukomoka muri Mali uje nk'umuzamu uzasimbura Kadime Ndiaye wasoje shampiyona nabi.

Umunya-Mali Drissa Kuayate ategerejwe i Kigali