Miss Universe yabaye urubuga rwo guhohotera abakobwa aho kuri ubu inkuru igezweho ari utegura iryo rushanwa wasabye imbabazi kubera aherutse gutuka Fátima Bosch wari uhagarariye Mexico.

Miss Universe 2025 yabereye muri Thailand yahindutse urubuga rwo gutuka abakobwa ku buryo 

Nawat Itsaragrisil utegura Miss Universe Thailand yatutse Fátima Bosch,umukobwa wari uhagarariye Mexico amwita'Ikigoryi'. 

Byatewe nuko Miss Fátima Bosch yanze gusakaza ku mbuga nkoranyambaga ze amashusho yamamaza iryo rushanwa ryabereye muri Thailand.

Nawat Itsaragrisil uyobora 'Director 'Miss Universe yashyushye mu mutwe atuka uwo mukobwa bitewe nuko yubahirije amabwiriza yahawe n'abayobozi b'iwabo bamubijije kwamamaza Thailand.

Niko byagenze mu gihe abandi bakobwa basakaje ku mbuga nkoranyambaga zabo amashusho bari muri iryo rushanwa,Miss Fátima Bosch wa Mexico yanze gukora iby'abandi bakoze.

Bari mu cyumba aho batambukaga bari guhabwa amabwiriza,Nawat Itsaragrisil yahamagaye Miss Fátima Bosch aramubwira ngo'Miss Mexico ari he ? Wubahirije ibyo wabwiwe n'abayobozi bawe? Uri ikigoryi!".

Ni nyuma y'uko uyu wa Mexico yanze kujya gufata amashusho yo kwamamaza irushanwa. 

Habayeho guterana amagambo nyuma Miss Fátima Bosch ahitamo gusohoka arigendera. Abandi bakobwa babonye ko bari gusuzugurwa nabo bakora igisa nk'imyigaragambyo ndetse na Victoria Theilvig ufite ikamba ry'umwaka wa 2024 nawe yahise asohoka.

Ubuyobozi bwa Miss Universe bakimara kubona ibyabaye ku wa 4 Ugushyingo 2025, bahise bahagarika Nawat Itsaragrisil igihe kingana n'umwaka atagaragara mu bikorwa byose bya Miss Universe. 

Miss Universe, irushanwa ry'ubwiza riri mu manini ku isi rigiye gutangwa ku nshuro ya 74. Ritegerejwe kuba ku wa 21 Ugushyingo 2025 I Bangkok mu murwa mukuru wa Thailand.

Irushanwa rya Miss Universe ryaguzwe na JKN Global Group mu Ukwakira 2022. Uwari ufite iryo rushanwa mu nshingano, Anne Jakrajutatip niwe mugabo wa mbere wihinduye umugore 'transgender woman ' mu myaka 70 iryo rushanwa ryari rimaze ribayeho.

Icyakora inzego z'iperereza muri Thailand zasanze yarahimbye impapuro zerekana imikoreshereze y'umutungo ahita akurwa kuri izo nshingano. 

Mu mwaka wakurikiyeho Miss Universe Organization (MUO) yagize ikibazo cy'amikoro noneho bagurisha imigabane. Kimwe cya kabiri cy'imigabane yaguzwe na Legacy Holding, iyobowe n'umushoramari wo muri Mexico witwa Raul Rocha Cantu, ari nawe ibyangombwa byo gutegura Miss Mexico.

Miss Universe yo muri Thailand yasigaye mu biganza bya rwiyemezamirimo wo muri Thailand wanatangije Miss Grand International (MGI) Nawat Itsaragrisil.

Raul na Nawat baje gushwana aho Nawat yakoresheje imbuga nkoranyambaga akanenga Raul ko batari kwamamaza abahataniye ikamba ku mbuga nkoranyambaga za Miss Universe.

 Yarenze kuri ibyo avuga ko Raul atazi gutegura Miss Universe kandi ko adashaka no gutanga amagambo banga 'Password ' y'imbuga nkoranyambaga za Miss Universe.

Uku guterana amagambo hagati y'abayobozi bombi byateje sahinda mu irushanwa kugeza ubwo ihangana ribaye iry'ibihugu (Mexico na Thailand).

Umufatanyabikorwa yateje ikibazo 

PlayTime PH, umukino w'amahirwe wo muri Philippines niwo muterankunga mukuru wa Miss Universe 2025. Nyamara amategeko ya Thailand ntabwo yemerera iyamamazwa ry'imikino y'amahirwe. 

Iri naryo ni irindi hurizo ku bategura Miss Universe. Ubuyobozi bwa Miss Universe bwasohoye itangazo ryamagana imikoranire n'iyo mikino y'amahirwe mu gihe ba nyiri iyo mikino bo bari batangaje ko ari abaterankunga bakuru b'irushanwa.