Kuva uyu mwaka w'imikino watangira ikipe ya FC Barcelona ni imwe mu makipe yagaragaje ko ifite intego yo gutwara buri gikombe cyose ikiniye yaba mu gihugu cya Esipanye ndetse no mu mikino mpuzamahanga.

Ikipe ya FC Barcelona yaranzwe no kwitwara neza mu mikino imwe n'imwe ndetse ugasanga ikoze bimwe mu bintu benshi batari biteze ko yakora. Uyu mwaka w'imikino ikipe ya FC Barcelona imaze gutsinda imikino 2 ya El-Clasico hagati yayo na Real Madrid ndetse muri UEFA champions yakoze ibitangaza ubwo yishyuraga ibitego 4 yari yatsinzwe na Benfica ikarenzaho n'iki ntsinzi cyabonetse ku munota wa nyuma.

Kuri uyu wa Kabiri tariki 25 Werurwe 2025, umukinnyi wo hagati wa FC Barcelona ndetse n'ikipe y'igihugu ya Esipanye, Dani Olmo, yatangaje ko ikipe ya FC Barcelona gutsinda ngo niyo ntego uyu mwaka.

Yagize ati " Ndi hano gutsinda, namaze kwemera ko ikipe dufite yarwanira buri kimwe tugatwara ibikombe kandi turacyari mu marushanwa yose. Niyo ntego, guhatana tugatsinda Kandi turimo kubikora ahantu hose hingenzi muri iyi Sezo."

Abakinnyi bagiye batandukanye ba FC Barcelona, mu biganiro bagenda bakora bose bahuriza ku kintu cyo gutsinda, ubona ko bose bari mu mwuka umwe ndetse biteguye gukora ibintu bitangaje uyu mwaka w'imikino.

FC Barcelona uyu mwaka w'imikino imaze gutsinda ibitego 113 mu marushanwa yose. Muri Shampiyona ya Esipanye, iyi kipe imaze gutsinda ibitego 64 mu mikino 23. Muri UEFA champions, yatsinze ibitego 32 mu mikino 10 gusa naho Copa Del Rey imaze gutsinda ibitego 18 mu mikino 4 ndetse na Super cup ya Esipanye, imaze gutsinda ibitego 7 mu mikino 2.

FC Barcelona kugeza ubu niyo iyoboye shampiyona ya Esipanye n'amanota 60 ndetse ikaba yarageze muri 1/4 cya UEFA champions league ndetse iri muri 1/2 cy'igikombe cy'igihugu (Copa Del Rey).

        Dani Olmo umukinnyi wo hagati wa FC Barcelona