Iri serukiramuco rya Hip Hop Asili risanzwe riba buri mwaka, kuri iyi nshuro biteganyijwe ko rizaba ku matariki ya 27 na 28 Kamena 2025, rikabera ku kigo cy'ishuri rya TASUBA College of Arts riherereye i Bagamoyo, muri Tanzania.

Angell Azafatanya na Wakazi, umuraperi w’umunya-Tanzania uzwiho gukoresha indimi ebyiri (Icyongereza n’Igiswahili) mu ndirimbo ze, ndetse no kugira imyandikire yihariye igera ku mutima kuko akunze kuvuga ku buzima bwe n’amasomo yabwigiyemo.

Iri serukiramuco rizamara iminsi ibiri, rizaba ririmo ibitaramo bya muzika, amahugurwa no kwerekana imico itandukanye, byose bigamije kugaragaza hip hop nk’igikoresho cyo kwigisha no guhuza imico itandukanye.

Rikazahuriza hamwe abahanzi, abatunganya umuziki n’abakunzi b'injyana ya hip hop baturutse mu bice bitandukanye mu Karere ndetse n’ahandi ku Isi.

Iserukiramuco rya Hip Hop Asili rikomeje kugira agace ka Bagamoyo nk'ihuriro ry’ubuhanzi muri Afurika y’Iburasirazuba, ndetse no gahuza abakunzi b'injyana ya hip hop mu mpande z'Isi.

Umuraperi Wakazi azahurira mu iserukiramuco rya Hip Hop Asili na Angell Mutoni