Kinyarwanda
English
Swahili
Amb. Nduhungirehe na Lavrov baganiriye ku kwagura ubufatanye bw’u Rwanda n’Uburusiya
Minisitiri w’Ububanyi n’Amahanga n’Ubutwererane w’u Rwanda, Olivier Nduhungirehe, yagiranye ibiganiro na Minisitiri w’Ububanyi n’Amahanga w’Uburusiya, Sergey Lavrov, ku bijyanye no gukomeza guteza imbere ubufatanye hagati y’ibihugu byombi ndetse n’izindi ngingo bifitiye inyungu rusange.
Ibi biganiro byabereye mu mujyi wa Antalya, ku ruhande rw’inama mpuzamahanga ya Antalya Diplomacy Forum 2026 ihuza abayobozi n’impuguke mu bya dipolomasi baturutse hirya no hino ku isi.
Abaminisitiri bombi baganiriye ku buryo bwo kurushaho kunoza umubano usanzwe hagati y’u Rwanda n’Uburusiya, hibandwa cyane ku kongera ubufatanye mu nzego zitandukanye zirimo ubukungu, uburezi n’umutekano.
Ibiganiro nk’ibi bigaragaza ubushake bw’impande zombi bwo gukomeza kubaka umubano urambye ushingiye ku nyungu rusange no ku bufatanye bwimbitse mu rwego mpuzamahanga.
