Mu ijoro ryo ku wa 29 Kanama 2025 muri Zaria Court habereye igitaramo cyo kumva Album ya Nel Ngabo na Platini P bise 'Vibranium ' 

Album y'aba bahanzi igizwe n'indirimbo 8 zakozwe n'abahanga mu gutunganya imiziki barimo;Ishimwe Karake Clement, Davydenko, Element Eleéh na Kevin Klein. Igitaramo cyaranzwe no kubyina, kuririmba no gusabana ku bitabiriye. Abahanzi; Nel Ngabo, Platini P, Davis D, Butera Knowles bahamagawe ku rubyiniro bafatanya na Platini P mu ndirimbo bakoranye mu bihe bitandukanye 

Ubwo Igitaramo cyari gisojwe, umushyushyarugamba Arthur Nkusi yasabye abitabiriye guha umugisha album noneho abafite urukundo baritanga.

Ni muri urwo rwego Miss Mutesi Jolly yatanze miliyoni 10 Frw, Prophète Joshua yatanze miliyoni 5 Frw, umuvandimwe wa Ishimwe Clement (murumuna we) Kefa yatanze miliyoni 10 Frw, yanateye inkunga igitaramo binyuze muri sosiyete yubaka.

Umunyamakuru,umuhanzi ubifatanya n'ubushabitsi Uncle Austin yatanze miliyoni 1 Frw yose hamwe ayatangiwe mu ruhame yari miliyoni 26 Frw. Abanyapolitiki barimo Ambasaderi Olivier Nduhungirehe; Minisitiri w'ububanyi n'amahanga n'ubutwererane , Nelly Mukazayire uyobora siporo mu Rwanda, Richard Mutabazi uyobora akarere ka Bugesera nibo bumvise album ya Nel Ngabo na Platini P.  

Biratangaje kuba nta mukozi wo muri Minisiteri y'urubyiruko no guteza imbere ubuhanzi witabiriye icyo gikorwa kiri mu nshingano zabo.