Muri aba bantu bose uko54,287, imibare igaragaza ko abatuye mu Mujyi wa Kigali n’abo mu Ntara y’Iburengerazuba ari bo bihariye umubare munini w'abasanzwemo Virusi itera Sida.

Iyi mibare igaragaza ko mu mwaka wa 2024 abantu 9.019 basangazwemo Virusi itera Sida. Muri abo abagabo ni 3.503, abagore ni 5.516 ndetse aba bose bakaba bagaragaye mu bantu 1.026.851 bari bapimwe.

Mu mwaka wa 2023 hapimwe abarenga miliyoni 1.1, abafite Virusi itera Sida bagaragaye ni 9.270. 

Mu 2023 abagabo bafite virusi itera sida bari 3.752 mu gihe abagore bari 5.518 ndetse uyu mubare wari wiyongereye kuko mu 2022 abanduye iyi virusi bari 8.507 barimo abagabo 3.404 n’abagore 5.103 mu barenga miliyoni 1,1 bari bapimwe

Mu 2021 abantu 9.422 ni bo basanzwemo Virusi itera Sida. Muri bo ab’igitsina gabo bari 3.673, ab’igitsina gore ari 5.749. Hari hapimwe abarenga miliyoni 1,5.

Mu mwaka wa 2020 abantu 9.279 basanzwemo Virusi itera Sida mu bantu barenga miliyoni 2,09 bari bapimwe. Muri bo abagabo bari 3.577 mu gihe abagore bari 5.702. Bari biyongereye kuko mu 2019 hapimwe abantu miliyoni 2,6 abangana na 8.790 ni bo basanzwe baranduye barimo 4.750 b’igitsina gore na 4.040 b’igitsina gabo.

Mu Mujyi wa Kigali ni ho hasanzwe umubare munini banduye Virusi itera Sida mu mwaka wa 2024 kuko abasanganywe iyo Virusi bari 2.883, mu 2023 bari 2811, mu gihe mu 2022 bari 2756.

Mu 2021 Abanya-Kigali banduye Virusi itera Sida bari 2.983, mu 2020 bari 3.136, mu gihe mu 2019 bari 3.707.

Mu Ntara y’Iburasirazuba ni bo bakurikira Kigali mu kugira abantu benshi bandura Virusi itera Sida aho mu 2024 bari 2.439, mu gihe mu mwaka wari wabanje wa 2023 bari 2.675. Mu 2022 bari 2.675, mu 2020 bari 2.398 na ho mu 2019 abanduye Virusi itera Sida bo mu Burasirazuba bari 2.676.

Intara y’Amajyepfo na yo iza mu bice bigira abantu bandura Virusi itera Sida. Mu 2024 bari 1.573, mu 2023 bari 1.543, mu 2022 bari 1.420, mu 2021 bari 1.589 mu 2020 bari 1.665, mu gihe mu 2019 bari 1.045.

Mu Burengerazuba abantu 1.257 basanzwemo Virusi itera Sida mu 2024. Mu 2023 bari 1.431 mu 2022 bari 1.400, mu 2021 bari 2.460, mu 2020 bari 1.319, mu gihe mu 2019 abo mu Burengerazuba banduye Sida bari 852.

Mu Ntara y’Amajyaruguru abanduye Virusi itera Sida mu 2024 bari 867, mu 2023 bari 810, mu 2022 bari 728, mu 2021 bari 932, mu 2020 bari 761, mu gihe mu 2019 bari 510.

Mu myaka itandatu ishize abantu benshi basanzwemo Virusi itera Sida biganjemo abari hejuru y’imyaka 25 aho banganaga na 41.385. Bakurikikirwa n’abantu bari mu kigero cy’imyaka 15 na 24 banganaga na 11.234.

Abagore batwite bari bafite Virusi itera Sida mu 2024 bari 1.221, mu 2023 bari 1.141, mu 2022 bari 1.420, mu 2021 bari 1.625, mu 2020 bari 1.314, mu gihe mu 2019 bari 1.831.

Mu 2024 abagore banduye Sida bari gufata imiti igabanya ubukana bwa Virusi itera Sida bari 5.570 bangana na 99.0%. Mu 2024 ‘couples’ 67.761 zapimwe hasanzwe izingana na 3.350 umwe afite Virusi itera Sida undi atayifite.

Mu Ukuboza 2025 Ikigo cy’Igihugu gishinzwe Ubuzima (RBC) cyatangaje ko abafite Virusi itera Sida mu Rwanda bageze ku bihumbi 234, aho buri mwaka yica abagera kuri 2500. Ubwandu bushya bwari buri kuri 2,7% hagati y’abari mu myaka 15-49.

U Rwanda kandi rwamaze kugera ku ntego ya Loni ya 95-95-95. Bivuze ko 95% by’abaturage baba bazi uko bahagaze, 95% by’abazi uko bahagaze bafata imiti igabanya ubukana ndetse 95% by’abafite virusi itera Sida badashobora kuyanduza binyuze mu mibonano mpuzabitsina. Ubu u Rwanda rugeze kuri 96-98-98.

Minisiteri y’Ubuzima yatangaje ko imbaraga zashyizwe mu kwita ku bafite virusi itera Sida mu Rwanda zitanga umusaruro kuko muri uyu mwaka wa 2025, abayifite bari hejuru y’imyaka 50 bagera kuri 30% y’abayifite bose.