Aba bahanzi babarizwa muri Mavin Records ya Don Jazzy bageze ku kibuga cy’indege cya Entebbe ahagana saa tatu za mu gitondo za Kampala, bakirwa n’itsinda rya Talent Africa Group hamwe n’itangazamakuru ryari rihari ku bwinshi.

Nyuma y’igitaramo bakoreye i Nairobi, Bayanni, Magixx, na Boy Spyce bakomereje muri Uganda mu Mujyi wa Kampala, aho bagikoreye ahitwa Ndere Cultural Center.

Mu kiganiro bagiranye n’itangazamakuru, bagaragaje ibyishimo byo kuririmbira abafana babo bo muri Uganda, mu gitaramo cyayobowe na Sheilah Gashumba.

Nyuma y’igitaramo muri Uganda, bazakomereza urugendo rwabo muri Tanzania, mu bitaramo bakomeje gukora bigamije kwagura amazina yabo mu Karere k’Afurika y’Iburasirazuba.

Igitaramo bakoreye muri Uganda bahuriyemo ku rubyiniro n’abandi bahanzi bo muri Uganda barimo Ava Peace, Vinka, Joshua Baraka, Denesi, Sheila Salta, DJ Rocky, na DJ Tony.

Aba bahanzi bo muri Mavin Records bari gukora ibitaramo bigamije kwagura amazina yabo muri Afurika y'Iburasirazuba