Yo Maps ni umwe mu bahanzi bakomeye muri Zambia, akaba akunzwe mu ndirimbo nka 'So Mone' yakoranye na Tay Grin, 'Try Again' yakoranye na Abel Chungu, n'izindi.

Kuri ubu uyu muhanzi ari mu gihirahiro nyuma y'uko album ye 'Try Again' yashyize hanze mu 2023, itakaje miliyoni 81 z'abayumvise kuri Boomplay igasigarana ababarirwa mu bihumbi 200.

Icyateye ibura ry'iyi mibare ku rugero rungana gutya, ntikiramenyekana kuko haba ku ruhande rw'umuhanzi Yo Maps ndetse n'urubuga rwa Boomplay ntacyo barabivugaho.

Bimwe mu bishobora gutera ibibazo nk'ibi, ni ukuba umuhanzi yarahimbye imibare itari yo k'ubumvise ibihangano bye cyangwa se hakaba harabayeho uburangare mu bagenzura ibihangano by'umuhanzi kuri Boomplay.

Yo Maps ntagaragaraza icyateye kubura kw'imibare ye ndetse na Boomplay ntacyo ibivugaho