Kinyarwanda
English
Swahili
&format=webp)
Wizkid, Rema na Tyla baje ku rutonde rwa Spotify
Urubuga rwa Spotify rwashinzwe mu 2006 n'abagabo babiri bo muri Swede barimo Daniel Ek na Martin Lorentzon. Kuri ubu Spotify ifite miliyoni 751 ziyikoresha buri kwezi. Abasaga miliyoni 290 bishyura ifatabuguzi rya $13 buri kwezi.
Urubuga rwa Spotify rwashyize hanze urutonde rw’indirimbo 100 zumviswe cyane mu kinyacumi turimo. Ni indirimbo zumviswe kuva mu 2015 kugeza ubu. Ku mwanya wa 8 haza indirimbo yitwa’One Dance’. Iyi yasohotse mu 2016 ikaba ari iya Wizkid na Drake.
Ni indirimbo iri mu njyana ya Afrobeats na Dancehall ikaba yarabaye iya mbere yagize miliyali y’abayumvise kuri Spotify.
Ku mwanya wa 29 hari ‘Calm Down’ ya Rema na Selena Gomez. Ni nayo ndirimbo y’umuhanzi wo muri Afurika yabashije kuzuza miliyali y’abayumvise kuri urwo rubuga. Ku mwanya wa 50 haza ‘Water’ya Tyla ikaba iri mu njyana y’Amapiano. Iyi ndirimbo yatumye Afurika y’Epfo yongera kwisanga ku rutonde rw’indirimbo 100 zikunzwe muri Amerika. Ni amateka yakoze hashize imyaka 55 nta muhanzi ubishobora.
