Kinyarwanda
English
Swahili
![Arsenal FC yifatanyije n’u Rwanda muri ibi bihe byo kwibuka Jenoside yakorewe abatutsi mu 1994 [AMASHUSHO]](https://ukwelitimes.com/uploads/images/202604/image_430x256_69d4cdfe23b3a.jpg)
Umutoza wa Police FC yifatanyije n’Abanyarwanda Kwibuka Jenoside yakorewe Abatutsi mu 1994
Umunya-Tunisia utoza ikipe ya Police FC, Ben Moussa, yagaragaje guha icyubahiro Abazize Jenoside yakorewe abatutsi mu 1994, ndetse agaragaza ko Kwibuka bishimangira ubumwe, amahoro n’Inshingano zo kubaka ejo hazaza heza.
Ibi bikubiye mu butumwana Ben Moussa yanyujije ku mbuga z’ikipe ya Police FC mu ijoro ryo ku cyumweru tariki 12 Mata 2026. Uyu mutoza wa Police FC, Ben Moussa yatangaje ko yifatanyije n’Abanyarwanda kwibuka ku nshuro ya 32 Jenoside yakorewe Abatutsi mu 1994.
Ben Moussa yagize ati “ Nk’Umunya-Tunisia uba kandi ukorera mu Rwanda, nifatanyije n’Abanyarwanda mu kuzirikana no guha icyubahiro ku nshuro ya 32 abazize Jenoside yakorewe Abatutsi mu 1994. Nubaha byimazeyo abazize Jenoside yakorewe Abatutsi, kandi ngaragaza icyubahiro cyimbitse mfitiye abarokotse n’imiryango yabo. Ukwihangana kwabo n’agaciro bagaragaza bikomeza kutubera isomo. Nifuje ko iki gihe cyo kwibuka cyakomeza gushimangira ubumwe, amahoro n’inshingano zo kubaka ejo hazaza heza. Turibuka, turi kumwe.”
Ubu butumwa bw’umutoza wa Police FC bwakurikiya ubw’abakinnyi batandukanye b’iyi kipe barimo Ani Elijah, Manishimwe Djabel, Rudasingwa Prince n’abandi bagiye baha Abanyarwanda ubutumwa bwabo muri ibi bihe byo kwibuka ku nshuro ya 32 Jenoside yakorewe Abatutsi mu 1994.
Tags:
