Urwego rw’igihugu rushinzwe mine, peteroli na Gas (RMB)mu mwaka wa 2024, rwatangaje ko ubucukuzi butemewe bw’amabuye y’agaciro bwahitanye abasaga 60 mu mwaka wa 2024, aho iyi mibare iteye impungenge ko ishobora no gukomeza kwiyongera mu gihe nta ngamba zihamye zifashwe.

Ati "Ni ikibazo giteye impungenge kuko gifite ingaruka zirimo izabahaburira ubuzima bacukura mu birombe, abana bata amashuri babishowemo, kwangiza ibidukukije, kuba bigabanya mafaranga aturuka mumisoro, bidindiza ishoramari mu bucukuzi bwamabuye y’agaciro n’ibindi. "

Itegeko nimero 072/2024 ryo kuwa 26/06/2024 rigenga ubucukuzi bw’amabuye y’agaciro na kariyeri riteganya amakosa n’ibihano byerekeranye n’ibikorwa by’ubucukuzi bw’amabuye y’agaciro naho mu ngingo ya 63-70 igateganya ibyaha n’ibihano byerekeranye ibikorwa by’ubucukuzi bw’amabuye y’agaciro na kariyeri.

Ku byerekeranye n'amakosa n’ibihano harimo Kudasubiranya ahantu hangijwe, Kutagaragaza inkomoko y’amabuye y’agaciro, Kutishyura amafaranga asabwa, ubwishingizi bw’abakozi no kwangira ubuyobozi kugera ahakorerwa imirimo n’ibindi aho ihazabu ihera ku bihumbi Magana atatu 300, 000 Rwf, kugera kuri milliyoni icumi 10,000,000.Rwf.

Mu byaha biteganywa niri tegeko harimo; gukora ibikorwa by’ubucukuzi bw’amabuye y’agaciro nta ruhushya, gutunga amabuye y’agaciro yacukuwe mu buryo bunyuranyije n’amategeko, Gutumiza, kohereza mu mahanga, gukora, gukoresha, gutwara, gucuruza intambi nta ruhushya, Kwemera ko ubutaka bukorerwaho ubucukuzi bw’amabuye y’agaciro, Gucuruza amabuye y’agaciro yacukuwe mu buryo bunyuranyije n’amategeko n’ibindi. Ibihano bikaba bigeza no ku gifungo cy’myaka icumi (10).