Ni imikino yaraye ibaye mu ijoro ryacyeye tariki 25 Gashyantare 2026, ubwo hakomeza imikino yo kwishyura ya UEFA Champions League aho ikipe ya Real Madrid yari yigabye mu kibuga ikina na Benfica biza kurangira Real Madrid yitwaye neza itsinda ibitego 2-1.

Ku munota wa 14, ikipe ya Benfica yatangiye itsinda igitego cyatsinzwe na Rafa Silva ariko ntibyatinda kuko Real Madrid yaje guhita itsinda igitego cyo kwishyura gitsinzwe na Aurelien Tchouameni ku mupira mwiza yahawe na Fede Valverde.

Ikipe ya Real Madrid yongeye kuza gutsinda igitego cya kabiri gitsinzwe na Vinicius Junior nabwo ku mupira mwiza yahawe na Fede Valverde. Umukino waje kurangira Real Madrid ikomeje muri ⅛ nyuma yo gutsinda Benfica umukino ubanze ndetse n’uwo kwishyura. Umukino ubanza warangiye Real Madrid itsinze igitego 1-0, ubwo uteranyije imikino yombi byari ibitego 3-1.

Muri iri joro kandi ikipe ya Paris Saint Germain yakinnye na Monaco umukino urangira ikipe zombi zinganyije ibitego 2-2. Ikipe ya Paris Germain yakomeje muri ⅛ kubera intsinzi yabonye mu mukino ubanza. Umukino ubanza warangiye ikipe ya PSG itsinze ibitego 3-2, bivuze ko yakomeje ku giteranyo cy’ibitego 5-4.

Indi mikino yabaye mu ijoro ryacyeye ni umukino wahuje ikipe ya Juventus na Galatasary warangiye ikipe ya Galatasary ari yo ikomeje nyuma yo gutsindwa ibitego 3-2 ariko ikomeza ku giteranyo cy’ibitego 7-5.

Ikipe ya Atalanta yasezereye Borussia Dortumond nyuma yo kuyitsinda ibitego 4-1 ikomeza itsinze ibitego 4-3. Ni umukino utari woroshye ariko Borussia Dortumond yitwara nabi irarushwa cyane.

Kuri uyu wa Gatanu tariki 27 Gashyantare 2026, nibwo haraba tombola yuko amakipe azagenda ahura mu mikino ya ⅛. Ariko kandi kuri uyu wa Kane hategerejwe imikino ya Europa League kuko nayo azatombora.