Igisirikare cya Israel’IDF’ kimaze igihe kigaba ibitero byo ku butaka muri Liban, mu mujyo wo kurwana umutwe Hezbollah iterwa inkunga na Iran.

Kuva mu 1983 bwari ubwa mbere Israel yicaranye ku meza na Liban mu gushakira hamwe umuti urambye w’intambara ziri mu karere k’Uburasirazuba bwo hagati.

Ni ibiganiro byabaye ku wa 14 Mata 2026. Biyobowe n’Umunyamabanga wa Leta Zunze Ubumwe z’Amerika Marco Rubio. Ibyo Israel isaba ni ugushyikirizwa intwaro zose zifitwe n’inyeshyamba n’indi mitwe yitwaje intwaro itari iya Leta. Ni ingingo yumvikanisha guca intege Hezbollah. Ku ruhande rwa Liban, isaba ko intambara yahagarara amahoro arambye akaboneka. Ntabwo ishyigikiye ko Israel yambura inyeshyamba intwaro.

Kuva mu ntangiriro za Werurwe 2026 abantu 2000 barapfuye abasaga miliyoni imwe bakuwe mu byabo barahunga. Ku wa gatatu w’icyumweru gishize Israel yagabye ibitero byo mu kirere muri Liban hapfa 357 abandi 1223 barakomeretse. Israel yatangaje ko imaze kwica abarwanyi ba Hezbollah 180.