Mu ijoro ryo ku wa mbere tariki 30 Kamena 2025, hakomeje imikino ya 1/8 y'igikombe cy'isi cy'ama-Club, aho ikipe ya Inter Milan yasezerewe na Flaminese ku bitego 2-0.

Ni umukino utari woroshye ariko ikipe ya Flaminese yaje muri uyu mukino ubona ko ishaka intsinzi hakiri kare German Cano yaje gutsinda igitego ku munota wa 3 ndetse Hercules nawe asoza atsinda ku munota wa 93, Inter Milan isezererwa gutyo.

Mu rucyerera rwo kuri uyu wa Kabiri tariki 1 Nyakanga 2025, hari hategerejwe umukino ugomba guhuza ikipe ya Manchester City ndetse na Al Hilal yo mu gihugu cya Saudi Arabia. Uyu mukino waje kurangira ikipe ya Al Hilal ikomeje ku bitego 4-3.

Ni umukino utari woroshye kuko mu minota 90 ikipe zombi zanganyije ibitego 2-2, bageze mu minota 30 y'inyongera ikipe ya Al Hilal iba ari ho ibonera intsinzi y'ibitego 4-3.

Abantu benshi batangiye gutungurwa n'ibiri kubera muri iki gikombe cy'isi cy'ama-Club ndetse bamwe ntibari no gutinya kuvuga ko harimo Betting bitewe n'uko hakomeje kubamo gutungurana.

Imikino itegerejwe kuri uyu wa Kabiri tariki 1 Nyakanga 2025, ni umukino ugomba guhuza Real Madrid na Juventus saa tatu z'ijoro ndetse mu rucyerera ikipe ya Borussia Dortmund ikine na Monterrey yo mu gihugu cya Mexico.

Flaminese yasezereye Inter Milan 

Al Hilal yasezeye Manchester City