Mu ijoro ryo ku wa kabiri tariki 30 Nzeri 2025, amakipe yitwaye neza ku mugabane w’i Burayi zari zigabye mu kibuga amakipe agiye atandukanye yitwara neza.

Ku isaha ya saa kumi n’ebyiri na 45, nibwo iyi mikino yatangiye amakipe arimo Atalanta akina na Club Brugge zikina. Ni umukino utari woroshye ariko urangira Atalanta ari yo ibonye amanota 3 itsinze ibitego 2-1 nubwo Club Brugge ari yo yabanje igitego.

Kuri iyi saha kandi Real Madrid yari yigabye mu kibuga ikina na Kairat Almaty, umukino urangira Real Madrid itsinze ibitego 5-0. Uyu mukino watumye Kylian Mbappe yuzuza ibitego 60 amaze gutsinda muri UEFA Champions League bituma aba uwa 6 umaze gutsinda ibitego byinshi muri iri rushanwa. Ibi yabigezeho nyuma yo gutsinda ibitego 3 muri uyu mukino.

Ku isaha ya saa tatu z’umugoroba nibwo hari hateganyijwe imikino isa n’iyikomeye kuko ikipe zirimo Chelsea FC yakinnye na Benfica itozwa na Jose Mourinho birangira Chelsea itsinze igitego 1-0 nubwo yahawe umutuku ku munota wa nyuma. Uyu mutuku wahawe Joao Pedro.

Undi mukino wari utegerejwe n’uwahuje Liverpool FC na Galatasaray ntibyaza kugenda neza kuri iyi kipe yo mu bwongereza kuko yatsinzwe igitego 1-0 ku cyishyura biranga. Uyu mukino wabaye umukino wa kabiri Liverpool FC itsinzwe wikurikiranya nyuma yo gutsindwa na Crystal Palace ibitego 2-1 mu mukino wabaye ku wa  Gatandatu tariki 27.

Umunya-Nigeria, Victor Osmehn niwe watsindiye Galatasaray ndetse ahita akora amateka yo kuba umukinnyi wa mbere wa Nigeria utsinze ibitego 10 muri UEFA Champions League.

Indi mikino yabaye

Atletico Madrid 5-1 Eintracht Frankfurt

Pafos FC 1-5 Bayern Munich

Marseille 4-0 Ajax

Inter Milan 3-0 Slavia Prague

Bodoe/Glimt 2-2 Tottenham Hospur

Real Madrid yitwaye neza 

Atletico Madrid yitwaye neza

Chelsea FC yitwaye neza 

Liverpool FC yatsinzwe ubugira Kabiri