Kinyarwanda
English
Swahili
Ibitenge 1200 byinjijwe mu gihugu kuri forode
Ku wa 30 Nzeri 2025, ibitenge 1200 bifite agaciro ka miliyoni 18 Frw, byinjijwe mu gihugu binyuze mu nzira zitemewe. Hatangajwe ko byari bihishe mu ikamyo ipakiye isima, iturutse mu Karere ka Rusizi yerekeza mu Mujyi wa Kigali.
Ikigo cy’Imisoro n'Amahoro (RRA) ku bufatanye n’inzego z’umutekano n’abaturage, bikomeje guhuza imbaraga mu kurwanya magendu.
Kuri uyu wa Kabiri tariki 30 Nzeri 2025, Ikigo cy'igihugu gishinzwe imisoro n'amahoro (RRA)cyerekanye ibitenge 1200 bifite agaciro ka miliyoni 18 Frw, byinjijwe mu gihugu binyuze mu nzira zitemewe, byari bihishe mu ikamyo ipakiye isima, iturutse mu Karere ka Rusizi yerekeza mu Mujyi wa Kigali.
RRA iboneyeho kwihanangiriza abishora mu bikorwa bya magendu kuko bituma habaho kunyereza imisoro, bikabangamira ihatana risesuye mu bucuruzi, bikinjiza mu gihugu ibicuruzwa bitujuje ubuziranenge bishobora kugira ingaruka ku buzima bw’ababikoresha, ndetse bigateza ibihombo ababifatiwemo.
