Kinyarwanda
English
Swahili
Corneille Nangaa na Bertrand Bisimwa ntibari mu ntumwa za AFC/M23 zitabiriye ibiganiro by’Ubuhuza i Luanda
Ihuriro AFC/M23 ryamaze gutangaza intumwa zirihagarariye mu biganiro by’ubuhuza bigiye kubera i Luanda muri Angola kuri uyu wa 18 Werurwe 2025, uhagarariye ubu butumwa akaba ari Benjamin Mbonimpa, umunyamabanga mukuru wa AFC/M23.
Mu itangazo ryasohowe n'ihuriro rya AFC/23 ku mugoroba wo kuri uyu wa 17 Werurwe 2025, rigaragaza ko ryohereje intumwa eshanu zirihagarariye mu biganiro biganisha ku mahoro bizahuza iri huriro na Leta ya Kinshasa kuri uyu wa Kabiri tariki 18 Werurwe 2025.
Mu bazarihagarira, harimo Bwana Mbonimpa Benjamin, uyu akaba ari umunyamabanga mukuru wa AFC/M23, akaba ari nawe uzaba ayoboye intumwa zose uko ari eshanu.
Cyokoze uru rutonde ntirugaragaraho abayobozi bakuru ba AFC/M23, yaba umuyobozi mukuru Corneille Nangaa, ndetse na Bertrand Bisimwa umwungirije.
Mu bandi baherekeje Benjamin Mbonima harimo bwana John MUHIRE; Madame Doudou TIKAILELI; bwana Cédric PIEMA ndetse na Colonel Dieudonné PADIRI.
Ubuyobozi bwa AFC/M23 bwagaragaje ko izi ntumwa zahagurutse i Goma zigaca i Gisoro mu gihugu cy'Ubugande zerekeza i Luanda muri Angola, iyi nzira bakaba ari nayo nazanyura bagaruka.
