Mu itangazo ryasohowe ku gicamunsi cyo ku wa Gatatu, Umuyobozi Mukuru w’Ibikorwa by’Ubuvuzi, muri iyi Minisiteri, Dr. Charles Olaro, yavuze ko ubuzima mu gihugu buhagaze neza kandi hagenzurwa buri kimwe.

Mu itangazo rigira riti "Minisiteri iramenyesha abaturage bose ko COVID-19 ntayiri muri Uganda kandi igihugu gihagaze ndetse buri kimwe kigenzurwa neza kuva icyorezo cyagaragara mu myaka itatu ishize."

Minisiteri y’Ubuzima muri iki gihugu ivuga ko amakuru y’igaruka rya COVID-19 ari ibihuha kandi isaba Abanya-Uganda gukomeza kubahiriza ingamba zo kwirinda no kwita ku buzima bwabo.

Ibi bije nyuma y'uko muri Uganda, amakuru yari akomeje gukwirakwizwa mu ku mbuga nkoranyambaga avuga ko icyorezo cya COVID-19 cyongeye kugaruka muri iki gihugu. Minisiteri ikivuga ko ubutumwa buri gukwirakwizwa ari amashusho ya kera ari gusubirwamo n’abantu bafite umugambi wo kuyobya abaturage.

Minisiteri y’Ubuzima muri Uganda ikongera gushimangira ko ikomeza kugenzura uko ibintu bihagaze kugira ngo hamenyekane vuba impinduka zose zabaho bityo haboneke.