Kuri uyu wa 7 Gicurasi 2026 Leta y'Ubushinwa yatangaje ko Wei Fenghe na Li Shangfu bahoze ari aba minisitiri b'ingabo bakuriweho igihano cy'urupfu. Ni abagabo bashinjwa n'Ubutabera bwa gisirikare kurya ruswa igihe bari mu nshingano. 

Xhinua, igitangazamakuru cya Leta cyatangaje ko ku itariki 7 Gicurasi 2026 Urukiko rwa gisirikare rwahamije Wei Fenghe na Li Shangfu ibyaha byo kurya ruswa bahanishwa igifungo cya burundu. Icyakora urwo rukiko rwanzuye ko bazatangira icyo gihano nyuma y'imyaka ibiri. 

Bari barasabiwe n'Ubushinjacyaha bwa gisirikare igihano cy'urupfu. Kuri ubu imitungo yabo yafatiriwe kugirango igurishwe hishyurwe ruswa bariye bari mu nshingano.

Wei Fenghe yabaye minisitiri w'ingabo mu 2018 kugeza 2023. Muri Werurwe 2023 yasimbuwe na Li Shangfu nawe wakoresheje ububasha bw’amategeko mu nyungu ze.

 Li Shangfu yavuye muri izo nshingano mu Ukwakira 2023 nyuma y'amezi abiri yaraburiwe irengero.

 Iperereza ryasanze Li Shangfu yarariye amafaranga menshi noneho akajya anaha ruswa abandi basirikare bakuru.

Muri Gashyantare 2026 Perezida Xi Jinping yirukanye umugaba w'ingabo Zhang Youxia. Icyo gihe Xi yavuze ko ari gukora amavugurura mu gisirikare cyabaswe na ruswa. Kuva Xi Jinping yafata ubutegetsi mu 2012 yahanganye na ruswa, ariko abatamwemera bakunze kuvuga ko ari intwaro akoresha mu kubacecekesha.

Igihano cy'urupfu mu Bushinwa gikurwaho iyo imyaka wahawe mbere yo guhabwa igifungo cya burundu nta kindi cyaha uyikozemo.

 Muri iyo myaka ibiri bariya bahoze ari ba Minisitiri ntibemerewe kwijandika mu bindi byaha.