Urebye abahanzi nyarwanda batanu bumvwa cyane ku rubuga rwa Spotfiy, ubona ko imibare yabo yagabanutse cyane ugereranyije n'uko bitwaraga mu gihe gito gishize.

Muri Gashyantare 2025, abahanzi bazaga imbere y'abandi mu kumvwa cyane ni Bruce Melodie wumvaga n'ibihumbi 246,005, Israel Mbonyi yumvaga n'ibihumbi 155,791, Eloi El yumvaga n'abagera ku bihumbi 125,  Meddy yumvwaga n'abagera ku bihumbi 119 naho The Ben yumvwaga n'ibihumbi 107,240, 

Uyu munsi wa none imibare y'aba bahanzi yaragabanutse bigaragara cyane cyane Bruce Melodie wari wagerageje kuzamuka nyuma yo gushyira hanze album 'Colorful Generation'. 

Dore uko bahagaze aho ukwezi kwa Gatatu k'umwaka kugeze 

1.Bruce Melodie: 182,448

2.Israel Mbonyi: 153,375

3.Eloi El: 124,400

4.Meddy: 120, 600

5.The Ben: 100,500

Iyo unyujije amaso no ku zindi mbuga nka Audiomack na YouTube muri iyi minsi ubona ko abahanzi nyarwanda muri rusange ibihangano byabo bitari kumvwa cyane. 

Imwe mu mpamvu ishobora kuba itera ibi, yaba intambara iri mu Burasirazuba bwa Congo, aho abantu benshi ari yo bahugiyeho ndetse n'abari muri Diaspora basanzwe bari mu bakurikira abahanzi nyarwanda cyane.