Kinyarwanda
English
Swahili
Ubushinjacyaha bwasabiye Bishop Harerimana gufungwa imyaka irindwi
Ku itariki 21 Mata 2026 mu rukiko rw'Ibanze rwa Kicukiro rwaciye habereye urubanza Ubushinjacyaha buregamo Bishop Harerimana Jean Bosco wayoboraga Zeraphat Holy Church n'umugore we Mukansengimana Jeanne bakaba bararezwe n'umugore bahaye code ya 'ME'.
Uwareze yavuze ko yasabwe miliyoni 10 Frw kugirango Harerimana Jean Bosco amusengere akire indwara yo kuva. Ubushinjacyaha buragaragaza ko ayo mafaranga yayakiriye kuri momo y'Itorero no mu ntoki.
Mu kwiregura Harerimana Jean Bosco yavuze ko umugore wamureze yashatse ko basambana undi akamubera ibamba.
Iyo niyo mpamvu yashatse gusenya urugo rwe abonye bitamuhiriye atangira gutera ubwoba umugore wa Harerimana Jean Bosco.
Ubushinjacyaha bwasabiye Harerimana Jean Bosco gufungwa imyaka irindwi naho umugore we yasabiwe gufungwa imyaka itatu (3).
Harerimana Jean Bosco n'abamwunganira basabye ko yagirwa umwere ku byaha byo kwihesha ikintu cy'undi hakoreshejwe uburiganya, gukangisha gusebanya no gukwirakwiza amafoto y'imikoreshereze y'ibitsina.
Bishop Harerimana Harerimana Jean Bosco yafunzwe ku itariki 9 Ukwakira 2024. Ku itariki 31 Ukwakira 2024 Harerimana Jean Bosco n'umugore we batanze ingwate y'inzu ya miliyoni 60 Frw arekurwa by'agateganyo.
Umwanzuro uzasomwa ku wa 14 Gicurasi 2026 saa cyenda.
