Kuri ubu inkuru nyinshi ziri kwibanda ku ntambara yo muri Iran, yatawe n’Amerika ifatanyije na Israel. Ni inkuru nke cyane zibanda ku ngaruka ziri guterwa n’iriya ntambara ku buzima bwa minsi yose. Ubundi iyo bavuze ibikomoka kuri peteroli jya wumva Mazutu, Lisansi n’amavuta y’indege. Imibare yerekana ko iyo akagunguru kamwe ka peteroli idatunganyije kazamutseho $10, bitera izamuka rya 25% ry’ibiciro bya peteroli itunganyije ikoreshwa mu binyabiziga (Gasoline).

Mu gihe ibikomoka kuri peteroli byazamutse ku giciro, hari bimwe mu bisigazwa biva kuri peteroli byitwa’Petrochemicals’ bigize 95% y’ibintu bikoreshwa mu nganda’manufactured goods’. Dukoresheje siyansi nibwo byasobanuka neza. Bya bisigazwa bya peteroli nibyo bivamo pulasitiki, imiti ikoreshwa’pharmaceuticals’, ifumbire ikoreshwa mu bihingwa, n’ibikoreshwa mu myambaro ‘synthetic fibers’.

Nureba izo mpamvu zavuzwe hejuru zerekana neza impamvu yaba peteroli itunganyije n’ibisigazwa bya peteroli bigena agaciro k’ifaranga. Hari ingaruka z’aka kanya (Direct impacts)

Kubera ko ingendo zose, izo mu kirere, mu mazi no ku butaka zikoresha peteroli, iyo yazamutse bitera ifaranga gutakaza agaciro hagakoreshwa ikiguzi kiri hejuru ariko kandi iyo peteroli yahendutse ifaranga naryo riragabanuka kuko ya peteroli niyo igena uko amafaranga yitwara ku isoko.

Iran yohereza utugunguru miliyoni 1.6 buri munsi mu Bushinwa no mu karere k’Uburasirazuba. Mu Cyumweru cya mbere cy’intambara peteroli yazamutseho 10%. Mu gihe iyi ntambara yatangiye ku wa 28 Gashyantare 2026 yakomeza, ikintu cyose kigurwa hakoreshejwe ifaranga, kizazamurirwa ibiciro.