Ni amakuru yagiye hanze kuri uyu wa 04 Werurwe 2025, mu itangazo ryasohowe n'Ubushinjacyaha bukuru bw'u Rwanda rikaba rivuga ko Leta zunze ubumwe za Amerika zabushyikirije Ahmed Napoleon Mbonyunkiza wahamijwe ibyaha bya Janocide yakorewe Abatutsi.

Ubushinjacyaha bukuru bw'u Rwanda kandi bwavuze ko uyu mugabo yoherejwe nyuma yo kurangiza igihano cy'igifungo cy'imyaka cumi n'itanu, nyuma yo guhamwa n'ibyaha birimo gukoresha undi imibonano mpuza bitsina ku gahato, akaba yarabikoreye muri Amerika.

Ahmed Napoleon Mbonyunkiza yavutse mu mwaka wa 1968, akaba yaciriwe urubanza n’Urukiko Gacaca rwa Nyakabanda muri 2007, aho yahamijwe kugira uruhare muri Jenoside yakorewe Abatutsi. 

Ahmed yagejejwe mu Rwanda arinzwe n'Igipolisi cya Amerika, Ubushinjacyaha Bukuru bukaba bwashimiye ubufatanye bw’inzego z’ubutabera bwa Leta zunze ubumwe za Amerika mu gukurikirana abasize bakoze Jenoside  yakorewe Abatutsi mu Rwanda.