Mu ijoro ryo ku wa Kabiri tariki 9 Ukuboza 2025, ku mugabane w'i Burayi hari hakomeje imikino ya UEFA Champions League y'umunsi wa Gatandatu aho amakipe arimo FC Barcelona, Liverpool FC, n'andi yari yigabye mu kibuga.

Umukino ukomeye watangiye iyi mikino ni uwahuje ikipe ya FC Bayern Munich yatsinzemo ikipe ya Sporting CP yo muri Portugal ibitego 3-1. Ni umukino wari uryoheye ijisho ariko wabonaga FC Bayern Munich irimo kurusha cyane Sporting CP bijyanye nuko ari amakipe atari ku rwego rumwe.

Ku isaha ya saa Ine z'ijoro nibwo hari hategerejwe imikino ikomeye irimo umukino wahuje Inter Milan na Liverpool FC. Ni umukino wari ukomeye kuko wabonaga amakipe yombi yakaniranye ariko urangira Liverpool FC ari yo itahanye amanota atatu nyuma yo gutsinda Inter Milan igitego 1-0. Ni igitego cyatsinzwe na Dominik Szoboszlai kuri Penalite.

Abafana benshi ba FC Barcelona bari bategereje ni uwari buhuze iyi kipe na Eintracht frankfurt waje kurangira FC Barcelona yitwaye neza itsinda ibitego 2-1. Ni umukino utoroheye FC Barcelona bitewe nuko yabanjwe igitego hakiri kare ariko mu gice cya Kabiri Jules Kounde aza gutuma FC Barcelona itahana amanota atatu kuko ibi bitego byose niwe wabitsinze.

Ku rundi ruhande ikipe ya Chelsea FC yo yari irimo gutsindwa na Atlanta ibitego 2-1. Ni Chelsea FC yatangiye ikina neza cyane kuko yatangiye ibona igitego cyatsinzwe na Joao Pedro ariko cyaje kwishyurwa ndetse Atlanta ishyiramo n'igitego cya Kabiri. Ibi bitego bya Atlanta byatsinzwe na Gianluca Scamacca na Charles De Ketelaere.

Indi mikino 

1. AS Monaco 1-0 Galatasaray 

2. Kairat Almaty 0-1 Olympiacos 

3. PSV Endhoven 2-3 Atletico Madrid 

4. Tottenham Hotspur 3-0 Slavia Plague

5. Union Saint Gilloise 2-3 Marseille 

Chelsea FC yatsinzwe na Atlanta 

FC Barcelona yabonye amanota atatu bigoranye cyane

Liverpool FC yabonye amanota atatu nyuma yo gutsinda Inter Milan