Muri iki cyumweru, nibwo Inteko Ishinga Amategeko yo mu gihugu cy' Ubufaransa yemeje umushinga w'itegeko rigenga imibanire y'abashyiranywe, harimo ingingo ivuga ko gukora imibonano mpuzabitsina atari inshingango abashyingiranywe bategetswe kubahiriza, ahubwo ari ubwumvikane hagati y'abashyingiranywe nk'uko tubikesha France 24.

 Iyi ngingo abagize Inteko Ishinga Amategeko y'Ubufaransa basanga izabafasha gukumira ihohoterwa rishingiye ku gitsina, kuko hari abashakanye bitwazaga ko gukora imibonano mpuzabitsina bitegetswe abashyingiranywe bagakorera ihohotera abo bashakanye cyangwa bakabishongoraho basaba gatanya.

Muri uwo mushinga w'itegeko, harimo ingingo igira iti " kubana mu rugo ntibivuze ko utegetswe gukora imibonano mpuzabitsina nk'inshingano zitegekwa abashakanye."

 Umushinga w'iryo tegeko ugaragaza ko mu Gihugu cy' Ubufaransa, ntawuzongera gusaba ubutane yitwaje ko uwo bashakanye atita kubyo gukora imibonano mpuzabitsina ku buryo byafatwa nk' impamvu yo gutandukana hagati y'abashakanye.

Uwo mushinga w'iryo tegeko washyigikiwe n'abadepite 120 mu Nteko Ishinga Amategeko, kugira ngo ushyirwe mu mategeko Monezamubano yo mu Bufaransa,  ugomba kubanza kwemezwa na Sena.

 Uwo mushinga watowe nyuma y'uko abaharanira uburenganzira bw'abagore muri 2019 hari umugore watandukanye n' umugabo kubera ko yamushinjaga kudashaka gukora imibonano mpuzabitsina.