Uwo rutahizamu w’imyaka 33 amaze iminsi adakora imyitozo kuva ku wa kane, tariki ya 5 Kamena, nyuma yo kugaragaza ibimenyetso bihuye n’iby’iyo ndwara. Ikipe ya Santos yahise imushyira mu kato no kumukurikiranira hafi, ndetse imusuzumisha virusi ya COVID-19, aho ibisubizo byagaragaje ko yayanduye.

Kugeza ubu, Neymar ari mu kato iwe mu rugo, aho ari kumererwa neza kandi akurikiranwa n’abaganga. 

Itangazo ry’ikipe rigira riti: “Neymar ari kuruhuka iwe mu rugo kandi yitabwaho buri munsi n’itsinda ryacu ry’abaganga.’ Hazakorwa isuzuma rya kabiri ku wa mbere, tariki ya 9 Kamena, kugira ngo harebwe niba arimo gukira no kumenya igihe ashobora gusubira mu myitozo.”

Iyi nkuru yatangajwe bwa mbere n’urubuga rw’imikino rwo muri Brazil, Globo Esporte, ruvuga ko Neymar yatangiye kugaragaza ibimenyetso byoroheje nk’umunaniro n’umuriro muke ku wa kane. Iyo nkuru yongeyeho ko nta wundi mukinnyi wa Santos uragaragaza ibimenyetso nk’ibi, kandi ko abakinnyi bose b’itsinda rya mbere bapimwe, nk’ingamba z’ubwirinzi.

Neymar yahawe inkingo za COVID-19 mu gihe yakiniraga Paris Saint-Germain mu 2021, kandi bivugwa ko kuba afite ibimenyetso byoroheje biterwa n’uburinzi bwatanzwe n’iyo nkingo. Abaganga bemeza ko umuntu wikingije ashobora kwandura ariko akagira ibimenyetso bidakanganye.

Iyi nkuru ibaye mu gihe habura ibyumweru bike ngo Neymar akine umukino we wo gusezera muri Santos igikorwa cyari cyitezwe cyane n’abafana be. Ikipe ntiratangaza niba uwo mukino uzigizwa inyuma.

Ese igikurikiraho ni iki?

Neymar azasuzumwa ku wa mbere kugira ngo harebwe uko amerewe. Kugaruka kwe mu myitozo bizaterwa n’uko abaganga bazamwemeza kandi yubahirije amabwiriza y’ubuzima.

Abafana ba Santos hamwe n’abakunzi b’umupira ku isi yose bamwifurije gukira vuba, binyuze ku mbuga nkoranyambaga, bakomeza gushyigikira umwe mu bakinnyi b’ibihe byose bakunzwe cyane muri Brazil.