Kinyarwanda
English
Swahili
Myanmar: Abamaze guhitanwa n'umutingito bageze ku 2000
Kuri uyu wa Mbere, itsinda ry’abashinzwe ibikorwa by’ubutabazi muri Myanmar barokoye abantu bane barimo umugore utwite n’umukobwa. Ni nyuma y’uko umutingito uri ku gipimo cya 7.7 umaze guhitana abagera mu 2 000,ibikorwa by’ubutabazi bikaba bikomeje.
Ni ibyatangajwe kuri uyu wa mbere nyuma y’iminsi itatu iki Gihugu cya Maynmar na Thailand byibasiwe n’umutingito ukomeye wabaye ku wa Gatanu tariki 28 Werurwe 2025.
Abashinzwe ibikorwa by’ubutabazi muri Maynmar, batangaje ko muri abo bane batabawe bakiri bazima bakuwe munsi y’ibikuta by’inyubako zasenyutse i Mandalay mu masaha ya mu gitondo kuri uyu wa Mbere.
Ibiro ntaramakuru by’abashinwa Xinhua, byatangaje ko bamwe mu batabawe harimo umugore utwite n’umwana w’umukobwa.
Mu gihugu cya Bangkok, mu murwa mukuru wa Thailand, naho kuri uyu wa Mbere, abashinzwe ubutabazi, bakomeje ibikorwa byo gushakisha abantu 76 bikekwa ko bari munsi y’ibikuta by’inyubako ndende yasenyutse ikiri kubakwa.
