Kuri uyu wa Gatatu tariki 24 Nzeri 2025, nibwo hakinwe umunsi wa Kane wa Shampiyona y'isi y'Amagare aho amakipe yagiye asiganwa n'ibihe ariko abagabo bavanze n'abagore. Australia yegukanye iri siganwa ikoresheje iminota 54 n'amasegonga 30.

Ni isiganwa ryabaye guhera Saa Saba na 45, aho ikipe y'igihugu y'u Rwanda, Benin, Ethiopia, Ubushinwa na Uganda ari byo byatangiye bikina. Iri siganwa ryanganaga n'Ibirometero 41 na Metero 800, ryatwawe n'ikipe y'igihugu ya Australia ikoresheje iminota 54 n'amasegonga 25.

Ibi ikipe y'igihugu ya Australia ikoze ni amateka kuko batwaye iyi shampiyona y'isi y'Amagare mu gusiganwa n'ibihe ku nshuro ya Kabiri yikurikiranya. Umwaka ushize wa 2024, ni Australia n'ubundi yari yaritwaye ubwo ryari ryabereye mu gihugu cy'Ubusuwisi.

Ikipe y'igihugu ya Australia ibaye iya mbere ikurikiwe n'ikipe y'igihugu y'ubufaransa yakoresheje iminota 54 n'amasegonga 35 naho ikipe y'igihugu y'Ubusuwisi yabaye iya Gatatu yegukana umudari w'umuringa. 

Muri iki cyiciro u Rwanda rwaje ku mwanya wa 11 mu gihe bakoresheje isaha 1 n'iminota 3 n'amasegonga 8.