Kuri uyu wa gatatu tariki 30 mata 2025, nibwo hazaba imikino ya 1/2 yo kwishyura y’igikombe cy’Amahoro. Amakipe arimo Rayon Sports, APR FC, Mukura Victory Sports ndetse na Police FC zizaba ziri mu kibuga,.

Ni imikino itoroshye ndetse byamaze kwemezwa ko izabera muri sitade Amahoro yasabwe n’amakipe azakira iyi mikino.

Ikipe ya APR FC na Police FC niwo mukino uzatangira ukinwa kuko ku isaha ya saa kumi z’umugoroba umukino uzaba utangiye. Abasifuzi bahawe uyu mukino bazayoborwa na Twagirumukiza Abdoulkarim nk’umusifuzi wo hagati naho abasifuzi bo ku ruhande bazaba ari Karangwa Justin na Habumugisha Emmanuel.

Umukino uzahuza ikipe ya Rayon Sports na Mukura Victory Sports uzahita ujyamo ku isaha ya saa moya n’igice z’umugoroba nyuma.

Uyu mukino byemejwe ko uzayoborwa na Rulisa Patience nk’umusifuzi mukuru naho abo ku ruhande ni Mutuyimana Diedonne ndetse na Ishimwe Didier.

Imikino ibanza yahuje aya makipe yombi nta n’imwe yabashije gutsinda kuko imikino ibiri byarangiye ari igitego 1-1. Ikipe ya Rayon Sports yanganyije na Mukura VS igitego 1-1, APR FC nayo inganya na Police FC igitego 1-1.