Mu ijoro ryo ku wa 30 Ukwakira 2025 mu ihema rya Camp Kigali abitabiriye igitaramo cy’urwenya kitwa Gen-Z Comedy Show bataramiwe n’abahanzi bakunzwe mu muziki wo kuramya no guhimbaza Imana.

Aline Gahongayire yaririmbye indirimbo ye yitwa’Ndanyuzwe’ yabaye ikimenyabose ku bakunda Gospel. Naho Alex Dusabe ufatwa nk’umunyabigwi muri Gospel dore ko amaze imyaka 25 mu muziki, yaririmbye ‘Umuyoboro’ indirimbo buri wese wari muri iryo hema yaririmbye ijambo ku rindi. Ku rundi ruhande ariko hari Prosper Nkomezi yaririmbye iyitwa’Ibashagukora.

Israel Mbonyi wari umutumirwa w’umunsi yasobanuye urugendo rwe ko rwatangiye mu 2014 ahera ku ndirimbo yitwa ‘Number One’ ari nayo yitiriye album ya mbere. Icyakora yabwiye abitarabiriye igitaramo ko yakiriye agakiza afite imyaka 16 y’amavuko akaba yarahuye na Yesu ari mu bwiherero’Toilet’.

Israel Mbonyi yahishuye ko ari gukora ubushakashatsi mbere yo guhabwa’PHD’ kuko nubwo Imana yamuciriye inzira kuri we aziko igihe cy’amapfa gishobora kugera akarokorwa n’ishuri.

Umunyarwenya Muhinde yataramiye abafana baranezerwa