Kinyarwanda
English
Swahili
Umubyeyi wa Zuchu yasobanuye impamvu atitabiriye umuhango wa Zuchu na Diamond Platnumz, Nyiri Roc-A-Fella Records mu gihombo (avugwa hanze)
Khadija Kopa, umubyeyi wa Zuchu yasobanuye ko atitabiriye umuhango wo gushyingira Diamond Platnumz n’umukobwa we. Uwo muhango w’idini rya Islam, wabaye bahabwa umugisha mu muhango witwa’Nikah’. Uyu mubyeyi yakuyeho urujijro asobanura ko yari yarahaye umugisha Zuchu na Diamond Platnumz ku buryo ibindi byari bisigaye ari umuhango w’idini.
Khadija Kopa yanahishuye ko umunsi uwo muhango uba, yari afite indi gahunda y’ubucuruzi yitabiriye icyakora aboneraho umwanya wo gusubiza abantu bavugaga ko Zuchu atazabona umugabo kuko afite uburanga budashamaje.
Umushoramari washinze inzu itunganya imiziki, Dam Dash urukiko rwamutegetse kwishyura imyenda ifite agaciro ka $823,284 bitewe n’uko yananiwe kwishyura umuhanga mu gutunganya filime witwa Josh Webber. Ni imyenda yo mu 2022 ikomoka ku kirego cy’ubujura bwabayeho ku bihangano byo mu bw’ubwenge’Copyright’ mu rubanza rwabaye mu 2019.
Dame Dash yategetswe kwishyura ayo madolali akaba azatakaza imwe mu mitungo irimo ibihangano byakorewe muri Roc-A-Fella, filime n’indi mitungo itimukanwa. Urukiko rwategetse ko Dame Dash azaba yishyuye uwo Mwenda bitarenze iminsi 180. Si ubwa mbere ahuye n’amadeni kuko mu 2024 yagurishije imigabane muri Roc-A-Fella kuri miliyoni imwe y’amadolali.
